写平安纸（立遗嘱）唔係你好有钱，係因为你要保护自己间“屋企”。

【冇立遗嘱嘅人就要按照大马1958年遗产分配法令嚟分配遗产，即使1997年已经修改法案，但係一样有漏洞 】

呢个法令嘅存在，就係系你冇预先做好遗嘱分配，搞到个个以为自己係有关系嘅人都去争餐死，政府唯有用呢条法令嚟分配咯！但係政府嘅法令出现咗漏洞，又冇人去探讨，其中一个嘅漏洞，就係两公婆【同时离世】，咁佢地嘅遗产，本来剩係想分晒俾对方嘅，sorry，掂知最尾要分埋俾外家或其他人等等。

当然，有立遗嘱嘅人，都要小心，如果係特殊情况之下，你就要加返行字，就係“Commorientes Clause（同时死亡）”先至可以避免亲亲戚戚嚟瓜分你间“屋企”。

#真人真事案例：

一对夫妇，有3个细路哥，老公突然间死咗，【剩低一间屋企】，係人都谂住间屋留俾个老婆同3个细路，由于老公冇遗嘱，遗产就要根据大马遗产分配法令分配间【屋企】，老公嘅爸爸（老爷）仲在世，25%屋企拥有权归老爷，老爷有6个仔，死咗一个，仲有5个仔。老爷一样冇做遗嘱，“唔小心”过咗身，呢25%嘅屋企拥有权又根据大马法令，归5个仔（叔叔伯伯）所拥有。【一间屋企，9个屋主】？掂样分啊？